Naturklimak Fermentium saritu du 2025eko Enpresa Erronketan, elikagaien xahuketaren aurkako apustuagatik

Fermentium proiektua Naturklimaren Enpresa Erronkak deialdian saritua izan da, elikagai-hondakinak (batez ere, baztertutako begetalak) eta, bigarren mailan, arrantza-azpiproduktuak balio handiko elikagai hartzitu (saltsak, ongailuak, olioak eta ozpinak) bihurtzeko proposamenagatik, IoT sentsoreak eta adimen artifiziala dituzten bioerreaktoreen bidez. Azken helburua elikagai-hondakinak murriztea da, ekonomia zirkularra bultzatzea eta produktu osasungarriak eta berritzaileak kontsumo handira eramatea.

Naturklimaren ‘Enpresen Erronkak’ deialdiari buruz

Naturklimaren enpresa-erronken helburu nagusia ekonomia zirkularraren esparruan proposamen berritzaileak bultzatzea da klima-aldaketari aurre egiteko. Ekimen hau Gipuzkoako enpresa txiki eta ertainei eta ekintzaileei zuzenduta dago, baldin eta beren jardueran benetako erronkei aurre egiteko irtenbideak garatu nahi badituzte ekoizpen-prozesuetatik hasi eta digitalizazio-prozesuetara edo produktuen garapen berritzailera iritsi arte.